سچی یاری سب پر بھاری۔۔ طیب ادرگان کا جنرل اسمبلی میں مسئلہ کشمیر اُٹھانے کا معاملہ، وزیراعظم عمران خان کا موقف آگیا

نیوز اپڈیٹ ! طیب ادرگان کا جنرل اسمبلی میں مسئلہ کشمیر اُٹھانے کا معاملہ ، وزیراعظم عمران خان کا مؤقف بھی آگیا۔ وزیراعظم عمران خان نے کہا ہے کہ اقوام متحدہ کی جنرل اسمبلی میں مسئلہ کشمیر کے حوالہ سے دوبارہ بات کرنے پر ترک صدر کا مشکور ہوں۔سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان نے ترک صدر کے خطاب کی ویڈیو شیئر کرتے ہوئے انکا شکریہ ادا کیا

اور کہا کہ ترکی کی غیر متزلزل حمایت کشمیریوں کی حق خودارادیت کی جدوجہد کے لیے طاقت کا ذریعہ ہے۔ وزیراعظم عمران خان کا مزید کہنا تھا کہ ترک صدر نے جنرل اسمبلی کے خطاب میں ایک بار پھر کشمیریوں کے حق کے لیے آواز اٹھائی۔ واضح رہے کہ گزشتہ روز ترک صدر نے جنرل اسمبلی میں خطاب کے دوران مسئلہ کشمیر پر بھی بات کی تھی اور کہا تھا کہ مسئلہ کشمیر جنوبی ایشیا کے امن و استحکام میں کلیدی حیثیت رکھتا ہے لیکن یہ مسئلہ آج تک حل نہیں ہوسکا۔طیب اردوان نے کہا کہ اگرمسئلہ کشمیر حل نہیں ہوتا توپھران اداروں کے وجود کی کوئی حیثیت نہیں ہے۔ ترک صدر کا کہنا تھا کہ مقبوضہ کشمیر کی خصوصی حیثیت ختم کرنے کے اقدامات نے مسئلہ کو پیچیدہ کردیا ہے، ہم اس مسئلے کو مذاکرات کے ذریعے حل کرنے کے حامی ہیں

Leave a Comment